Hibar Rasa

Ato Paskal

Hibar rasa nu kuanjeun dibawa

Nepi kiwari masih nyanggreud

Meulit pikir meungkeut kageugeut

Najan halimun hieum nyimutan katresna anjeun

Moal gedag hamo bakal rungkad

Sanajan hujan harungan nyimbeuhan akang

Moal laas hamo rek peunggas

Sanajan katresna anjeun ayeuna ngaragas

Hampura Mayang!

Mun akang keukeuh nyimpen harepan

Da bongan anjeun geus neundeun janji

Janji asih nu wening asli

Nepi kiwari na ati masih matri ngahiji

Kembanng Katresna Ilang

 

Ato Paskal

 

Hariring nu kamari masih natra

Ngahaleang dina rasa, 

Nyimbeuhan kasimpe hate,

Melarkeun kembang katresna

Nyangreut dina janji nu kungsi kuanjeun dikedal

Hariring nu ayeuna dirasa

Silung maseuhan kasimpe hate,

Mareuman  gedurna seuneu katresna

Udar cidra kecap nu kungsi kuanjeun diucap

Hariring urang kiwari tinggal carita

Mirig ati perih, nyeset hate nalangsa

Haleuanng katineung euntreup

Ngabeungkeud tembang nu ilang

Can wasa kuring narima

Najan alesan geus jelas natra

Yen urang masih pada - pada aya nu boga

Hampura akang Mayang

Mun tresna akang ka anjeun

Hese rek laas ilang

Da bongan anjeun geus mere harepan

Anjeun Linci

Ato Paskal

Kahayang tinggal kalangkang

Niti nganci nincak ngimpi

Hamo nete jadi kanyataan
Simpay kaasih geus ngajirim jadi lamunan

Karisi beuki meulit na ati

Karempan ngajalar dina lamunan
Kahayang hamo jadi tinekanan
Ngolemar anjeun kiwari neunteup

Teuing timana asalana

Gentrengna kacapi nu nurihan ati

Ngawirahma katresna anjeun nu silung

Datang teu puguh asalna timana
Duriat nu kungsi natrat
Ngaranggeuy runtuyan asih
Bangbaluh kalbu ropoh jeung lungse
Sajorelat ilang na implengan
Tetela kecap ngatog, ngarampa tresna

Anjeun linci...

Samagaha Katresna

Ato Paskal

 

Kacida rongkahna rasa

Mun ingat kana rindatna duriat

Nyeredet hate ting sereset

Nyimbeuh sukma ati nalangsa

Dilak katresna pageuh entreup
Neuteup seukeut nembus  jajantung.
Ngahudang ringrang pinuh kamelang

Samagaha tresna inggis ngajadi

Asih urang nu can lila ligar

Kiwari meh peunggas katebak lantaran

Kaduhung hamo bakal manggih tungtung?

Anjeun pundung asa katundung

Asih urang kungsi ngabukti

Lain ngan ukur catur nu ngalantur

Anjeun kungsi wakca

Moal gedag ku ombak 

Moal galideur najan bakal nyorang harungan

Geulis....

Hampura akang!!!

Katresna akang

Salawasna moal ilang

Cinta terlarang yang nyaris hilang

                                                                         Ato Paskal

Tak sanggup untuk kupahami
Mulanya berjalan biasa saja
Cintaku kau sambut lembut
Penuh kasih dan tulus sayang

Tak kuasa ku menahan
Memaknai fakta yang kini kurasa
Cinta yang begitu besar
Kau hancurkan dengan mudah
Semudah kau singgah
Tak kuasa kuterima
Sebab cintamu sudah terlanjur berlabuh
Didasar hatiku yang paling dalam
Aku hanya menunggu takdir
Takdir yang terbaik dari-Nya.

Kerinduan

                                                                        Ato Paskal

Malam ini tanpa candamu
Malam ini tanpa pula manjamu

Malam ini rinduku masih utuh
Walau senyummu tak lagi kunikmati
Cintaku akan tetap ada
Aku akan selalu merindumu
Mencintai, menantimu
Itulah aku....
Aku akan terus merindumu
Meski itu mungkin sulit
Tanpa adanya ikhlasmu dan ridhoNya.....